اسلام آباد(نیوز ڈیسک) سربراہ پاک فوج جنرل راحیل شریف نے کہا ہے کہ بھارت سے متعلق گھبرانے کی کوئی ضرورت نہیں، ہر قسم کی جارحیت کا جواب دینا جانتے ہیں۔پارلیمنٹ کے مشترکہ اجلاس کے موقع پر صحافیوں سے غیررسمی گفتگو کرتے ہوئے آرمی چیف کا کہنا تھا کہ بھارت کی جانب سے آنے والے بیانات پر گھبرانے کی ضرورت نہیں اگر کسی قسم کی جارحیت ہوئی تو منہ توڑ جواب دینا جانتے ہیں۔ جنرل راحیل شریف کا کہنا تھا کہ قومی سلامتی اور امن و امان کی صورتحال میں بہتری آئی ہے اور اس میں مزید بہتری آئے گی۔