اسلام آباد(نیوز ڈیسک)زیر حراست کارکن کی ہلاکت پر ایم کیو ایم یوم سوگ منا رہی ہے ، کراچی میں سڑکوں پر پبلک ٹرانسپورٹ کم جبکہ پٹرول پمپس اور سی این جی سٹیشنز بند ہیں ، جامعہ کراچی ، وفاقی اردو یونیورسٹی اور انٹر بورڈ کے امتحانات ملتوی کر دئیے گئے۔ تفصیلات کے مطابق پولیس حراست میں ایم کیو ایم کے کارکن وسیم ابا کی ہلاکت کے خلاف شہر قائد میں سوگ منایا جا رہا ہے۔ ایم کیو ایم کی کال پر شہر میں شٹر ڈاو¿ن ہڑتال ہے ،علی الصبح کھلنے والی دکانوں سمیت پٹرول پمپس ، سی این جی سٹیشنز اور چھوٹی بڑی مارکٹیں بند ہیں ، سڑکوں پر پبلک ٹرانسپورٹ انتہائی کم ہے ، جامعہ کراچی ، وفاقی اردو یونیورسٹی اور انٹر بورڈ کے تحت امتحانات ملتوی کر دئیے گئے۔ امتحانات کی نئی تاریخوں کا اعلان بعد میں کیا جائے گا ، ادھر حیدر آباد میں بھی شٹرڈاو¿ن ہڑتال ہے ، شاہی بازار ، ریشم گلی ، حیدر چوک ، تلک چاڑی ، ہیر آباد اور لطیف آباد میں تمام دکانیں بند ہیں۔

مزید پڑھئے:کہیں آپ کو کوئی دھوکہ تو نہیں دے رہا؟ فراڈیوں کی 5 نشانیاں جانئےاور محفوظ رہیں

شہر میں تمام تعلیمی ادارے اور پٹرول پمپس بھی نہیں کھولے گئے ، سڑکوں پر ٹریفک معمول سے کم ہے ، ٹنڈو آدم ، نواب شاہ سمیت سندھ کے دیگر شہروں میں بھی ہڑتال کے باعث کاروباری مراکز بند ہیں۔