حیدرآباد (نیوز ڈیسک) سابق صدر اور پیپلز پارٹی کے شریک چیئرمین آصف علی زرداری کی گرفتاری کے بعد نیب نے پیپلزپارٹی کے رہنما شرجیل میمن کے فارم ہاؤس پر چھاپہ مارا۔ نیب نے اس چھاپے کے دوران فارم ہاؤس کی تلاشی لی اور اہم ریکارڈ اور مختلف دستاویز بھی قبضے میں لے لی ہیں۔ نیب کے اس چھاپے کے دوران کراچی کی
ٹیم بھی موجود تھی۔ اس چھاپے کے دوران فارم ہاؤس کے رقبے کی پیمائش بھی کی گئی، ذرائع کا کہناہے کہ اپنے اثاثہ جات میں شرجیل میمن نے اس فارم ہاؤس کو ظاہر نہیں کیا تھا، شرجیل میمن کے ایک گرفتار فرنٹ مین نے تفتیش کے دوران اس فارم کے بارے میں انکشاف کیا۔ جس کی وجہ سے نیب کی ٹیم نے فارم ہاؤس پرچھاپہ مارا۔
