نئی دہلی (نیوز ڈیسک)بھارت کے وزیرِ داخلہ راج ناتھ سنگھ نے ملک کے وزیرِ دفاع کے اس بیان کی حمایت کی ہے جس میں انھوں نے کہا تھا کہ بھارت کو دہشت گردی کے خاتمے کے لیے دہشت گردوں کا استعمال کرنا چاہیے۔ایک سوال کے جواب میں انھوں نے کہا ’پوری دنیا کو پتہ ہے کہ دہشت گردی کی پشت پناہی کون کر رہا ہے‘؟خیال رہے کہ بھارت کے وزیرِ دفاع منوہر پاریکر نے گذشتہ دنوں ایک پروگرام میں کہا تھا کہ دہشت گردوں کو ختم کرنے کیلیے دہشت گردوں کو ہی استعمال کرنا چاہیے۔انھوں نے کہا ’یہ ضروری نہیں ہے کہ دہشت گردوں کوختم کرنے کے لیے ہمیشہ ہمارے فوجی ہی لڑیں۔ ہمیں دہشت گردوں کو مارنے کے لیے دہشت گرد استعمال کرنے چاہےءں۔‘راج ناتھ سنگھ نے سرتاج عزیز کے ردِ رعمل کا جواب دیتے ہوئے کہا ’سب کو معلوم ہے کہ کون دہشت گردی میں ملوث ہے۔‘؟بھارتی وزیرِ داخلہ نے کہا ’میں پاکستان سے یہ توقع کروں گا کہ وہ دہشت گردی کے خلاف مہم میں بھارت کیساتھ مکمل تعاون کرے گا خاص طور پران حالات میں جب کہ اب وہ وہ خود دہشت گردی کا شکار ہے۔منوہر پاریکر اور راج ناتھ سنگھ کے بیانات ایک ایسے وقت میں آئے جب بھارت پاکستان تعلقات سر مہری کا شکار ہیں۔حالیہ مہینوں میں کئی بھارتی رہنماؤں نے پاکستان کے خلاف سخت بیانات دیے ہیں۔کراچی میں حالیہ دنوں ہونے والی دہشت گردی کی وارداتوں میں پاکستانی حکام بھارتی خفیہ ادارے را کے ملوث ہونے کا الزام عائد کرتے رہے ہیں۔