لاہور ( نیوز ڈیسک) احتساب عدالت نے کروڑوں روپے کے فراڈ میں ملوث ڈبل شاہ کی بیٹی عفت گیلانی کیس میں گواہان کو بیانات ریکارڈ کروانے کیلئے 30 جنوری کو طلب کر لیا۔ احتساب عدالت کے جج محمد وسیم اختر کی عدالت میں کیس کی سماعت ہوئی۔ نیب حکام کے مطابق سبط الحسن عرف ڈبل شاہ نے لوگوں کو سرمایہ کاری کرنے پر رقوم دگنی کر کے واپس کرنے کا جھانسہ دیکر
اربوں روپے بٹورے۔ سبط الحسن عرف ڈبل شاہ نے 400سو سے زائد افراد سے ساڑھے 8ارب روپے کا فراڈ کیا تھا۔ نیب حکام کے مطابق اس کیس میں ڈبل شاہ کی بیٹی عفت گیلانی پر بھی لوگوں سے کروڑوں روپے اکھٹے کرنے کا الزام ہے جبکہ مرکزی ملزم ڈبل شاہ رہائی کے بعد وفات پا چکا ہے۔عدالت نے گواہان کو طلب کرتے ہوئے سماعت 30جنوری تک ملتوی کر دی۔
