اسلام آباد( آئی این پی ) وفاقی وزیر اطلاعات فواد چوہدری نے وزیر آبی وسائل فیصل واوڈا کو فلم فیسٹول میں شرکت کے لئے موزوں قرار دیتے ہوئے کہا کہ جس طرح سے فیصل واوڈا نے کراچی میں اداکاری کی ، وہ اس طرح کے فیسٹول کے لئے زیادہ موزوں ہیں۔اتوار کو ایک تقریب سے خطاب کرتے ہوئے فواد چوہدری نے کہا کہ
میں نے اپنی ساری زندگی وکالت میں گزاری ہے ، انہوں نے کہا کہ یہ فلم فیسٹول ہے ، اور اس کے لئے فیصل واوڈازیادہ موزوں تھے ہم نے دیکھا کہ جس طرح سے فیصل واوڈا نے کراچی میں اداکاری کی ، وہ اس طرح کے فیسٹول کے لئے زیادہ موزوں ہیں ، فوادچوہدری کے الفاظ نے حاضرین کے چہروں پر بھی مسکراہٹیں بکھیر دیں ۔
