اسلام آباد (مانیٹرنگ ڈیسک) معروف صحافی و کالم نویس ہارون الرشید نے ایک نجی ٹی وی چینل کے پروگرام میں گفتگو کرتے ہوئے کہاکہ جیل میں میاں نواز شریف نے سات سے آٹھ دفعہ سپرنٹنڈنٹ کا نام پوچھا، معروف صحافی نے کہا کہ جب ساتویں یا آٹھویں دفعہ نواز شریف نے نام پوچھا تو سپرنٹنڈنٹ آگے سے چپ کر گیا جس کے بعد ان کو احساس ہوا کہ وہ بہت بار نام پوچھ چکے ہیں،
ہارون الرشید نے دوران پروگرام کہا کہ نواز شریف کی میموری، صحت اور حالت خراب ہے اور یہ دیوتا ہے تمام دیوتاؤں کے ساتھ آخر میں یہی ہوتا ہے، انہوں نے کہا کہ عمران خان یہی کرے گا اور اس کے ساتھ بھی یہی ہوگا، ہارون الرشید نے کہا کہ مسلم لیگ کو کوئی ختم نہیں کر سکتا یہ باقی رہے گی کیونکہ مین سٹریم جماعت ہے اورشریف خاندان کے بغیربھی یہ باقی رہ سکتی ہے۔
