کراچی(این این آئی) کراچی سے فرار ہوکر ساہیوال کے دارالامان میں پناہ لینے والی لڑکیوں نے کراچی واپس جانے سے انکار کردیا۔ہفتہ کودونوں لڑکیوں کو مقامی عدالت میں پیش کیا گیا، لڑکیوں نے الزام عائد کیا کہ ان کے والدین لالچ کی خاطر ان کی شادی زبردستی بڑی عمر کے افراد سے کرنا چاہتے ہیں۔ کراچی کے پارک
سے لاپتا ہونے والی میرپور بٹھورو کی دونوں طالبات ساہیوال سے بازیاب کی گئی تھیں۔پولیس کے مطابق طالبات نے اسٹڈی ٹور سے فرار ہونے کی منصوبہ بندی کی تھی۔ لڑکیوں نے بتایاکہ ان کے ماں باپ ان کی شادی بڑی عمر کے آدمیوں سے کروانا چاہتے تھے، دونوں نے والدین کے ساتھ جانے سے انکار کردیا۔
