لاہور ( این این آئی) پنجاب حکومت نے سرکاری اداروں میں بھرتیوں پر عائد پابندی اٹھانے کا فیصلہ کر لیا۔ذرائع کے مطابق پی ٹی آئی کی صوبائی حکومت نے بر سراقتدار آتے ہی سرکاری اداروں میں بھرتیوں پر پابندی عائد کی تھی جسے اب اٹھانے کا فیصلہ کیا گیا ہے ۔لاہور سمیت صوبہ بھر کے سرکاری دفاتر میں گریڈ ایک سے
16تک کی نان گزٹیڈ آسامیوں پر بھرتی کی جائے گی،محکمانہ سلیکشن کمیٹیاں قواعد کے مطابق اخبارات میں آسامیاں مشتہر کرنے کے بعد بھرتیاں کریں گی، صوبائی اداروِ خود مختار اداروں میں خالی 15ہزار سے زائد آسامیوں پر بھرتی کی جائے گی۔ سرکاری اداروں میں بھرتیوں پر عائد پابندی اٹھانے کا اعلان جلد کیا جائے گا۔
