اسلام آباد (این این آئی)پاکستان مسلم لیگ (ن) کے رہنماء کیپٹن صفدر کی دوسری شادی کے حوالے سے جھوٹی اور من گھرٹ خبر سوشل میڈیا پر پھیلائی جارہی ہے، اوچھے ہتھکنڈے استعمال کر کے کردار کشی نہیں کی جاسکتی ، خبر پھیلانے والے کیخلاف قانونی چارہ جوئی کی جائیگی۔ منگل کو ترجمان کیپٹن صفدر کی جانب سے جاری ایک بیان میں کہا گیا ہے کہ لیگی رہنماء کیپٹن صفدر کی دوسری شادی کے حوالے
سے جھوٹی اور من گھرٹ خبر سوشل میڈیا پر پھیلائی جارہی ہے۔ ترجمان نے کہا کہ اوچھے ہتھکنڈوں سے کیپٹن صفدر جیسے عاشق رسولؐ کی کردار کشی نہیں کی جا سکتی ۔ ترجمان نے کہا کہ جھوٹی خبر پھیلانے والوں کو چیلنج کرتے ہیں کہ اگر وہ سچے ہیں تو داتا دربار لاہور میں ،مدینہ پاک یاں مکہ مکرمہ میں آ کر قسم اٹھائیں ۔ترجمان نے کہا کہ اس قسم کی خبر پھیلانے والے کے خلاف قانونی چارہ جائی کی جائے گی۔
