دبئی(نیوز ڈیسک) متحدہ عرب امارات کے نائب صدر و وزیر اعظم شیخ راشد المکتوم نے اردو زبان میں ٹوئٹ کرکے وزیر اعظم عمران خان کو خوش آمدید کہا ہے۔وزیر اعظم عمران خان اتوار کو متحدہ عرب امارات کے دورے پر پہنچے اور انہوں نے دبئی کے کراؤن پرنس شیخ محمد بن زید بن سلطان النہیان اور نائب صدر و وزیر اعظم شیخ محمد بن راشد المکتوم سے ملاقاتیں کیں۔ متحدہ عرب امارات کے نائب صدر و وزیر اعظم شیخ محمد
راشد المکتوم نے عمران خان کو ٹوئٹر پر بھی خوش آمدید کہا۔ امارات کے نائب صدر و وزیر اعظم نے نہ صرف عمران خان سے ملاقات کی تصاویر پوسٹ کیں بلکہ اردو میں پیغام دے کر سب کو حیران کیا۔ انہوں نے اپنی ٹوئٹ میں لکھا کہ ہم وزیراعظم پاکستان عمران خان کو متحدہ عرب امارات میں خوش آمدید کہتے ہیں۔ان کا کہنا تھا کہ ہمارے بھائی چارے اور باہمی تجارت کی لمبی تاریخ ہے، ہمیں ان مشترکہ تعلقات پر فخر ہے۔
