تاندلیانوالہ(آئی این پی)چچا کی پسند کی شادی کی سزا معصوم کم سن بھتیجی کو دے دی گئی۔تفصیلات آئی این پی کے مطابق تھانہ ماموں کانجن کے علاقہ چک نمبر546گ ب کے رہائشی اکبر علی نے ایک سال قبل مسماۃ نادیہ شاہین سے پسند کی شادی کی تھی جس کا لڑکی کے ورثاء کو شدید رنج تھا، اسی رنج کی بناء پر لڑکی کے ورثاء نے زبردستی اسلحہ کے زور پر اکبر علی کی نابالغ 11سالہ معصوم بھتیجی ارشاد بی بی جو کہ

تیسری کلاس کی طالبہ تھی کو زبردستی پکڑ لیا اور شکیل نامی شخص کے ساتھ نکاح کردیا۔ بچی کے والد محمد اشرف نے میڈیا سے بات کرتے ہوئے بتایا کہ کسی نے بھی اس کی چیخ و پکار نہ سنی ہے حتیٰ کہ پولیس نے بھی داد رسی سے انکار کردیا ہے، ملزمان میری نابالغ بیٹی سے نکاح کرکے زبردستی اپنے ساتھ لے جانا چاہتے ہیں۔ اعلیٰ پولیس حکام سے اپیل ہے کہ نوٹس لیا جائے اور ملزمان کے خلاف کاروائی کی جائے۔