اسلام آباد (مانیٹرنگ ڈیسک) علیمہ خان اور جہانگیرترین کا دفاع نہیں کریں گے ، احتساب اسی کا ہوگا جس نے اقتدار کی کرسی سے انجوائے کیا ہوگا ۔ جس کا احتساب ہوگا ، اس کی چیخیں نکلیں گی۔وفاقی وزیر علی محمد خان کا اعلان ، نجی ٹی وی پروگرام میں گفتگو کرتے ہوئے انہوں نے مزید کہا کہ تحریک انصاف کوئی عام سیاسی جماعت نہیں ہے ،سیاسی جماعتوں میں اونچ نیچ ہوتی رہتی ہے ، ہر ملزم کو تھانیدار اوراحتساب برا لگتاہے ۔
انہوں نے کہا کہ احتساب اسی کا ہوگا جس نے اقتدار کی کرسی سے انجوائے کیا ہوگا اور جس کا احتساب ہوگا ، اس کی چیخیں نکلیں گی ۔ انہوں نے کہا سب سے بڑی ذمہ داری ان کی ہے جو اسلام آباد میں اقتدار کی کرسی پر بیٹھے رہے ، احتساب بلا امتیاز ہونا چاہئے ، انہوں نے کہا کہ عمران خان نے وزراءسے کہا تھا کہ میں حکومت کوقربان کردوں گا لیکن کسی کرپٹ افراد کو رہنے نہیں دوں گا ، عمران خان غیر معمولی حالات میں قوم کی قیادت کررہے ہیں۔
