اسلام آباد (مانیٹرنگ ڈیسک) تحریک انصاف کے شکست خوردہ امیدواروں کو نوازنے کی تیاریاں شروع ہو گئی ہیں، ایک نجی ٹی وی چینل نے اپنی رپورٹ میں کہا کہ عام انتخابات میں حکومت نے شکست کھانے والے اپنے امیدواروں کو مر حلہ وار ایڈجسٹ کرنے کا فیصلہ کر لیا ہے۔ ان تمام افراد کو مختلف حکومتی اداروں میں سیاسی بنیادوں پر ایڈجسٹ کیا جائے گا تاکہ ان افراد کی پارٹی وابستگی اور ووٹ بینک
کو برقرار رکھا جا سکے، رپورٹ کے مطابق تحریک انصاف کی ا علٰی قیادت نے فیصلہ کیا ہے کہ الیکشن 2018 میں ہارنے والے وہ امیدوار جو پارٹی کا اثاثہ ہیں ان کو ایڈجسٹ کیا جائے گا، رپورٹ کے مطابق حکومت نے آتے ہی اپنے دیرینہ ساتھیوں کو ایڈوائزر لگایا، اس کے بعد خانیوال سے ہارنے والے پی ٹی آئی کے رہنما احمد یار ہراج کو وزیراعظم معائنہ کمیشن کا چیئرمین لگا دیا گیا۔
