اسلام آباد (نیوز ڈیسک) ای او بی آئی کے پنشنرز کے لیے خوشخبری، ان کی پنشن کو پانچ ہزار سے بڑھا کر دس ہزار کیا جا رہا ہے، یہ بات وزیراعظم کے مشیر برائے سمندر پار پاکستانیز سید ذوالفقار بخاری جو زلفی بخاری کے نام سے معروف ہیں نے ایک موقر قومی اخبار سے گفتگو کرتے ہوئے کہی، انہوں نے کہا کہ سابق ادوار میں ای او بی آئی اور او پی ایف میں اربوں روپے کی کرپشن کی گئی، زلفی بخاری نے کہا کہ وائٹ پیپرز لانے کے بعد نیب

کو یہ کیسز بھجواؤں گا، زلفی بخاری نے کہاکہ ای او بی آئی کی پنشن 14نومبر کو 5 سے10ہزار روپے کر دیں گے۔ انہوں نے مزید کہا کہ سابق ادوار میں ای او بی آئی میں ورکرز کے فنڈز سے وزیروں نے اپنے بیٹوں، داماد اور قریبی رشتے داروں سے کوڑیوں کے پلاٹ اربوں روپے میں خریدے اور ای او بی آئی کی اربوں روپے کی پراپرٹی کروڑوں میں فروخت کی ہے، زلفی بخاری نے بتایا اس میں ایک سابق وزیر اعظم بھی ملوث ہیں۔