اسلام آباد(مانیٹرنگ ڈیسک)وزیراعظم عمران خان لاہور میں سیاسی و حکومتی سرگرمیوں میں مصروف مگر اسی دوران خاتون اول بشریٰ بی بی اپنی سہیلی فرح خان کے ہمراہ ذہنی معذوروں کے ادارے میں ان کیساتھ وقت گزارنے پہنچ گئیں۔ تفصیلات کے مطابق وزیراعظم عمران خان لاہور میں سیاسی و سیاسی سرگرمیوں میں مصروف ہیں اور ان کے ہمراہ پنجاب کے صوبائی دارالحکومت کے دورے کے موقع پرخاتون اول بشریٰ بی بی بھی موجود ہیں جو کہ اچانک اپنی سہیلی کے ہمراہ ذہنی معذوروں کے ادارے فائونٹین
ہائوس پہنچ گئی ہیں۔ انہوں نے فائونٹین ہائوس کی انتظامیہ سے مسائل سے متعلق دریافت کیا جبکہ ذہنی معذور افراد کے ساتھ وقت گزارا۔ انہوں نے وہاں موجود بچوں اور خواتین کے مسائل سے متعلق بھی معلومات لیں۔ خاتون اول کے ہمراہ ان کی سہیلی فرح خان بھی موجود ہیں۔ اس موقع پرخواتین اور بچوں نے خاتون اول بشریٰ بی بی کیساتھ سیلفیاں بھی بنوائیں۔ فائونٹین ہائوس کے دورے کے موقع پر خاتون اول کا کہنا تھا کہ مستحق ، بے سہارا افراد سے مل کر دلی سکون ملتا ہے، مستحق افراد قوم کی توجہ کے طالب ہوتے ہیں۔
