کراچی (نیوز ڈیسک) مسلم لیگ ن کے رہنما اور سابق وفاقی وزیر داخلہ احسن اقبال نے کہا ہے کہ حکومت کے پاس معیشت چلانے کے لیے پانی سے گاڑی چلانے کے فارمولے ہیں، اناڑی اور ناتجربہ کار حکومت کی بنیاد کھوکھلی ہے، 200 ارب ڈالر واپس آنے تھے، مگر ابھی تک 2 ڈالر واپس نہیں لاسکے۔ملک میں امن امریکا سے ڈالر لے کر قائم نہیں کیا جاسکتا۔ کہ نواز شریف کسی

مصلحت کے تحت خاموش رہے، سعد رفیق کا پارلیمانی کردار روکنے کی کوشش کی جارہی ہے۔ موجودہ حکومت جھوٹ کے سارے ریکارڈ توڑ رہی ہے۔ن لیگ نے ملک کو ترقی کی راہ پر گامزن کیا۔ ن لیگ کے لیے سی پیک گناہ بن گیا ہے۔محمد زبیر، مفتا ح اسماعیل اور دیگر لیگی رہنمائوں کے ساتھ احمدخان تالپورکی رہائش گا پر پریس کانفرنس کرتے احسن اقبال نے کہاکہ کراچی، بلوچستان اور کے پی کی صورت حال سب جانتے ہیں۔ ن لیگ نے معیشت، امن اور ترقی میں کردار ادا کیا۔ لوڈ شیڈنگ سے لوگ عذاب میں مبتلا تھے ہم نے 4 سال میں 12 ہزار میگاواٹ بجلی کے منصوبے لگائے اور 66 سال کی تاریخ میں 18 ہزارمیگاواٹ بجلی پیدا کی۔ عمران خان کہتے تھے بجلی گیس اور پیٹرول کی قیمت میں اضافہ ظلم ہے، آج وہی ظلم عوام کے ساتھ کر رہے ہیں۔انہوں نے کہا کہ ہم نے سی پیک سے اربوں روپے کی سرمایہ کاری کی۔ ہم نے کراچی کی روشنی کو بحال کیا، ملک کی معاشی ترقی میں ن لیگ کے کردار کو نظر انداز نہیں کیا جاسکتا۔انہوں نے کہا کہ عمران خان نے الیکشن کے دوران غلط بیانی کی، بھینسوں کی نیلامی سے خزانے نہیں بھرے جاتے۔ حکومت کے پاس معیشت چلانے کا کوئی فارمولا نہیں ہے۔انہوں نے کہاکہ حکومت کے پاس پانی سے گاڑی چلانے والے فارمولے کے سوا کچھ نہیں، دھرنوں کے کیسز بھی حکومت اپوزیشن کے خلاف درج کرنا چاہتی ہے۔

احسن اقبال نے کہاکہ حکومت کو اپوزیشن سے خوف ہے لیکن ہم چاہتے ہیں کہ حکومت کام کر کے دکھائے۔انہوں نے کہاکہ یہاں احتساب کے عمل کو انتقامی بنا دیا جاتاہے، اپوزیشن کا مکمل طور پر میڈیا ٹرائل کیا جاتا ہے۔ اگر نیب متنازع ہوتو اس کی حساسیت پر اثر پڑے گا۔انہوں نے پریس کانفرنس سے خطاب کرتے ہوئے ن لیگ کے پاس مضبوط پالیسی ہے۔ راول پنڈی اور لاہورمیٹرو پنجاب حکومت کا منصوبہ ہے۔ موٹروے کی وجہ سے کراچی اور حیدر آباد جڑواں شہر بن گئے۔