اسلام آباد(مانیٹرنگ ڈیسک) سینئر صحافی طلعت حسین کے بعد ایک اور صحافی نے جیو نیوز چھوڑ دیا ۔تفصیلات کے مطابق نجی ٹی وی جیونیوز نے اپنے ٹویٹر اکاﺅنٹ پر جاری پیغام میں کہاہے کہ ” سینئر صحافی شہزاد چوہدری نے جیونیوز اور دی نیوز چھوڑ کر آگے بڑھنے کا فیصلہ کر لیاہے ،انہوں نے پروگرام
’رپورٹ کارڈ ‘ کو کامیاب بنانے اور اس کے علاوہ جو انہوں نے چینل کیلئے خدمات انجام دی ہیں اس پر ہم ان کے شکرگزار ہیں ، ہم ان کے ساتھ نیک خواہشات کا اظہار کرتے ہوئے امید کرتے ہیں کہ مستقبل میں ہم دوبارہ ان کے ساتھ کام کریں گے ۔واضح رہے کہ طلعت حسین نے گزشتہ روز ہی جیو نیوز کو چھوڑ نے کا اعلان کیا تھا۔
