اسلام آباد(آئی این پی ) دفتر خارجہ نے کہاہے کہ حکومت ڈاکٹر عافیہ صدیقی کے معاملے پر امریکی حکام کے ساتھ مسلسل رابطے میں ہے، ہوسٹن میں پاکستان قونصل جنرل باقاعدگی سے ڈاکٹر عافیہ سے ملاقات کرتے ہیں، وزیرخارجہ جلد انکی بہن سے ملاقات کرینگے۔ بدھ کو ترجمان دفتر خارجہ نے کہا ہے کہ حکومت ڈاکٹر عافیہ صدیقی کے معاملے پر
امریکہ حکام کے ساتھ مسلسل رابطے میں ہے۔ عافیہ صدیقی کا معاملہ باقاعدگی کے ساتھ امریکی حکام سے اٹھایا جارہی ہے۔ ہوسٹن میں پاکستانی قونصل جنرل باقاعدگی سے ڈاکٹر عافیہ سے ملاقات کرتے ہیں۔ پاکستان نے امریکی نائب وزیر خارجہ ایلس ویلز کے ساتھ بھی عافیہ صدیقی کا معاملہ اٹھایا ہے۔ وزیرخارجہ جلد ڈاکٹر عافیہ کی بہن سے ملاقات کریں گے۔
