پشاور(این این آئی) جمعیت علماء اسلام( ف) کے سربراہ مولانا فضل الرحمان نے جے یو آئی س کے احتجاج میں شرکت کا اعلان کردیا۔ مولانا سمیع الحق کا خون رائیگاں نہیں جائے گا،مولانا کی شہادت ملک کی تاریخ کا ایک بڑا سانحہ ہے ۔نوشہرہ دارالعلوم حقانیہ اکوڑہ خٹک میں میڈیا سے گفتگو میں مولانا فضل الرحمان کا کہنا تھا کہ مولانا سمیع الحق اپنے اغراض مقاصد کیلئے ہر محاذ پر لڑتے، مولانا سمیع الحق کا قتل ایک سازش کے تحت کیا گیا ہے، مولانا سمیع الحق کا خون رائیگاں نہیں جائے گا،مولانا کی شہادت کے حوالے سے تفتیش جاری ہے ،ان کا کہنا تھا
کہ علماء کو تھریٹس مل رہے ہیں ہمارے صبح شام ایک خوف میں گزر رہے ہیں،ہم نے اسی ماحول میں رہنا ہے، دشمن وار کررہا ہے مگر کامیاب نہیں ہورہا، مولانا فضل الرحمان کا کہنا تھا کہ کہیں پر امن کی بات نہیں ہورہی ۔صرف لالی پاپ دیا جارہا ہے،سیکولر اور یہودی لابی امن اور اسلام کے خلاف ہیں، پوری زندگی میں دیکھ رہا ہوں کہ خطرے سے گزر رہی ہے، مولانا فضل الرحمان نے جے یو آئی ( س) کے جمعے کے روزہونے والے احتجاج میں شرکت کا اعلان بھی کیا ،اس موقع پر تحریک نوجوانان کے سربراہ عبداللہ حمید گل،عبدالغفور حیدری اور دیگر بھی خطاب کیا۔
