لاہور (این این آئی) مسلم لیگ(ن) نے سینیٹ کی 2نشستوں پر ضمنی انتخابات کے لئے سعود مجید اور سائرہ تارڑ کو ٹکٹ جاری کر دیئے ۔ تفصیلات کے مطابق سینیٹ کی دو نشستیں (ن) لیگ کی سینیٹر سعدیہ عباسی اور ہارون اختر کی نااہلی سے خالی ہوئی تھیں جن پر ضمنی انتخابات کے لئے

پولنگ 15نومبر کو ہو گی ۔ مسلم لیگ (ن) نے پارٹی قائد شہباز شریف کی منظوری کے بعد سعود مجید اور سائر تارڑ کو ٹکٹ جاری کردیا ہے ۔الیکشن کمیشن کی جانب سے دونوں کے کاغذات نامزدگی پہلے ہی منظور کیے جا چکے ہیں اور اب دونوں رہنما پارٹی ٹکٹ الیکشن کمیشن میں جمع کروائیں گے ۔