اسلام آباد (آن لائن) وفاقی وزیر اطلاعات فواد چوہدری نے وزیراعظم کے چین میں خطاب کے دوران پی ٹی وی کی سیکرین پر بیجنگ کو بیگنگ ( BEGGING) لکھا جانا غلطی یا سازش؟، کا پتہ لگانے کے لئے انکوائری کا حکم دے دیا ہے۔ میڈیا رپورٹس کے مطابق وفاقی وزیر اطلاعات فواد چوہدری نے اتوار کے روز سرکاری ٹی وی پر ہونے والی افسوسناک غلطی کی تہہ تک پہنچنے کیلئے انکوائری کا حکم
دے دیا ہے۔ پی ٹی وی کی سکرین پر غلطی سے بیجنگ کو بیگنگ یعنی بھیک مانگنا لکھ دیا تھا جبکہ عین اسی وقت وزیراعظم عمران خان کا چین میں خطاب نشر کیا جارہا تھا۔ وزیر اطلاعات کی جانب سے تحقیقات کا حکم اس امر کی نشاندہی کرنے کیلئے دیا گیا ہے کہ بیجنگ کو بیگنگ لکھنا محض تائپنگ کی غلطی تھی یا سرکاری ٹی وی میں موجودہ حکومت مخالف کسی کالی بھیڑ کے بغض کا نتیجہ تھا۔
