اسلام آباد (این این آئی) پاکستان مسلم لیگ (ن) کے رہنما احسن اقبال نے چین میں وزیر اعظم عمران خان کی تقریر پر تنقید کرتے ہوئے کہا ہے کہ باہر جاکر ملکی سیاست پر بولنا غلط ہے ۔ انہون نے اتوار کو ٹوئٹر پر لکھا کہ چین کی کیمونسٹ پارٹی کے سکول میں وزیر اعظم عمران خان نے پھر وہی تقریر دہرا دی جو وہ ڈی چوک میں دھرنے
کے موقع پر کنٹینر سے فرمایا کرتے تھے۔ اس سے قبل وہ یہی خطاب ریاض میں عالمی سرمایہ کاری کانفرنس میں بھی فر ما چکے ہیں ۔ ملک کی بد خوئیاں اور اپنی بڑائیاں۔واضح رہے کہ وزیراعظم عمران خان نے اس موقع پر اپنے خطاب میں کہاتھا کہ سابق حکمرانوں کی کرپشن کی وجہ سے پاکستان بحران کا شکار ہواہے۔
