لاہور(نیوز ڈیسک) وزیراعلیٰ پنجاب سردار عثمان بزدار نے رات گئے ٹاؤن شپ میں محکمہ سوشل ویلفیئر کے ادارے کاشانہ کا بغیر پروٹوکول اچانک دورہ کیا اور بے سہارا بچیوں کے ساتھ وقت گزارا۔اس موقع پر عثمان بزدار کا کہنا تھا کہ مجھے دوسری بار یہاں آکر دلی خوشی ہوئی ہے۔وزیراعلیٰ نے بچیوں
کے ساتھ مل کر ڈرائنگ کی اور انہیں مٹھائی کھلائی۔وزیراعلیٰ پنجاب نے بے سہارا بچیوں کے مسائل کو ترجیحی بنیادوں پر حل کرنے کے عزم کا اظہار کیا اور کہا بے سہارا بچیوں کا خیال رکھنا اْن کی ذمہ داری ہے۔ بچیوں نے وزیراعلیٰ پنجاب کو دیکھ کر خوشی کا اظہار کیا اور کامیابی کے لئے دعا گو ہوئیں۔
