اسلام آباد (این این آئی)پیرا گون سٹی سکینڈل کے معاملے پر نیب کی درخواست پر خواجہ سعد رفیق اور خواجہ سلیمان رفیق کے پاسپورٹ بلاک کر دیئے گئے ۔پاسپورٹ اینڈ امیگریشن نے نوٹیفکیشن جاری کر دیا جس کے مطابق دونوں بھائیوں کا نام بلیک لسٹ کر دیا گیا ۔نوٹیفکیشن کے مطابق نیب کی درخواست پر پیراگون سٹی ہاؤسنگ سکینڈل کی تحقیقات کے لئے نام بلیک لسٹ
کئے گئے ، سابق وزیر اعظم نواز شریف کے قریبی عزیز قیصر امین بٹ کا نام بھی بلیک لسٹ کر دیا گیا۔نیب لاہور کی جانب سے پاسپورٹ ہیڈ کوارٹرز کو درخواست کی گئی تھی ۔اسٹنٹ ڈائریکٹر بلیک لسٹ سیل پاسپورٹ اینڈ امیگریشن اسلام آباد نے نوٹیفکیشن جاری کیا نوٹیفکیشن تمام ائیر پورٹس ، وزارت خارجہ ، ایف آئی اے اور نیب کو بھجوا دیا گیا ہے۔
