کراچی(این این آئی)ایم کیوایم پاکستان کے رہنما عامر خان نے کہا ہے کہ سمندر پار پاکستانیوں کی وزارت ایم کیوایم کو ملے گی جس کیلئے امین الحق کا نام ہے۔سندھ ہائیکورٹ کے باہر میڈیا سے غیر رسمی گفتگو کرتے ہوئے عامر خان نے کہاکہ گزشتہ روز وزیراعظم سے کراچی کے مسائل پر تفصیلی گفتگو ہوئی ہے ۔
کس کولالی پاپ دیا ہے مجھے معلوم نہیں البتہ وزیراعظم نے ہمیں کوئی لالی پاپ نہیں دیا۔ایم کیوایم رہنما نے کہاکہ سمندر پار پاکستانی کی وزارت ایم کیو ایم کو ملے گی اور تیسری وزارت کے لیے امین الحق کا نام ہے۔ایک سوال کے جواب میں عامر خان نے کہا کہ بارہ مئی کے مقدمات سے ایم کیو ایم کا کوئی تعلق نہیں۔
