اسلام آباد (مانیٹرنگ ڈیسک)پی ٹی آئی حکومت نے وزیر اعظم ہائوس کی گاڑیوں کے علاوہ کیبنٹ ڈویژن کے ہیلی کاپٹر اور وزیراعظم ہاﺅس کیلئے لائی گئی خصوصی بھینسوں کی نیلامی کا بھی اعلان کر دیا۔نجی ٹی وی کے مطابق وزیراعظم عمران خان کے معاون خصوصی نعیم الحق نے کہاہے کہ کیبنٹ ڈویژن کے پاس
چار ہیلی کاپٹر موجود ہیں جو کہ زیر استعمال نہیں ہیں اور اب انہیں بھی نیلام کرنے کا فیصلہ کر لیاہے جبکہ وزیراعظم ہاﺅس میں آٹھ بھینسیں بھی ہیں جو کہ نوازشریف نے اپنی غذائی ضروریات پوری کرنے کیلئے رکھیں تھی ، انہیں بھی نیلام کیا جائے گا ۔یاد رہے کہ وزیر اعظم ہائوس میں گاڑیوں کی نیلامی 17 ستمبر کو ہوگی۔
