اسلام آباد (مانیٹرنگ ڈیسک )پی سی بی کے سابق چیئرمین نجم سیٹھی نے دوبارہ میڈیا میں اپنی ذمہ داریاں سنبھالنے کا اعلان کر دیا۔ نجم سیٹھی نے ٹویٹر پر جاری پیغام میں کہا کہ” میں نے انڈس/آپ میڈیا گروپ بطور صدر جوائن کر لیاہے ، جلد اردو اور انگریزی دونوں سکرینوں پر جلد سے جلد اپنی چڑیا کے ساتھ

واپس آ رہا ہوں ، نئے انداز کیلئے آپ کی دعاﺅں کی ضرورت ہے۔“واضح رہے کہ وہ اس سے قبل نجی ٹی وی جیونیوز کے ساتھ منسلک تھے جہاں وہ رات 11 بجے لگنے والے ٹاک شو ” آپس کی بات “ میں بطور تجزیہ کار شرکت کرتے تھے تاہم انہوں نے کرکٹ بورڈ میں ذمہ داریاں سنبھالنے کے بعد میڈیا سے دوری اختیار کر لی تھی ۔