اسلام آباد( آن لائن) وزیراعظم عمران خان کے صاحبزادے قاسم اور سلیمان آج لندن سے اسلام آباد پہنچ گئے،تفصیلات کے مطابق قاسم اور سلیمان 4 روز پاکستان میں قیام کریں گے اور بنی گالہ میں وزیراعظم عمران خان کے ساتھ وقت گزاریں گے،دونوں بیٹوں کو انتہائی سخت سکیورٹی میں اسلام آباد ائیر پورٹ سے بنی گالہ پہنچایا گیا جہاں پر وزیر اعظم عمران خان

نے دونوں بیٹوں کا استقبال کیا ، دونوں بیٹوں نے باپ کو وزیر اعظم بننے پر مبارکباد پیش کی اور تحائف پیش کئے ۔ اس موقع پر عمران خان نے دونوں بیٹوں کے ساتھ کچھ لمحات گزارے اور بعد ازاں انہوں نے طویل سفر کی تھکاوٹ کی وجہ سے بیٹوں کو آرام کا مشورہ دیا۔ذرائع کے مطابق عمران خان کے بیٹے پی آئی اے کی پرواز نمبر پی کے 786 سے اسلام آباد پہنچے ہیں۔