اسلام آباد(مانیٹرنگ ڈیسک)پی پی 120 ضمنی انتخاب میں ٹکٹ کے عوض پیسے لینے کے کھیل کا بھانڈا پھوٹ گیا۔نجی ٹی وی کے مطابق ٹکٹ دلوانے کیلئے اڑھائی کروڑ روپے لیے جارہے تھے۔ اس کے علاوہ بیوروکریٹس کے تبادلوں کیلئے بھی پیسے لیے جارہے تھے تاہم حساس اداروں نے چھاپہ مار کر تین ملزمان کو حراست میں لے لیاہے جن میں مرکزی ملزم کی
شناخت جواد کے نام سے ہوئی ہے جو کہ حکومتی وزیر کی قریبی شخصیت کے نام سے پیسوں کا تقاضا کر رہا تھا۔ موقع پر پی ٹی آئی کے وزیر ارباب شہزاد کے بھانجے نہال ارباب بھی موجود تھے ۔ پولیس کا کہناہے کہ حکومتی وزیر کے رشتہ دار سے متعلق تحقیقات کی جارہی ہیں ۔تھانہ شالیمار میں فراڈ اور دھوکہ دہی کی دفعات کے تحت مقدمہ درج کر لیا گیا۔
