لاہور(مانیٹرنگ ڈیسک) جہانگیر ترین کوٹیکس نوٹسز کے خلاف درخواست ، لاہور ہائیکورٹ نے ایف بی آر کو ٹیکس ریکوری سے روک دیا۔ تفصیلات کے مطابق تحریک انصاف کے رہنما جہانگیر ترین کو ٹیکس نوٹسز کے خلاف درخواست پر آج لاہور ہائیکورٹ میں سماعت ہوئی ۔ جسٹس شاہد وحید کی سربراہی میں بنچ نے سماعت کی۔ درخواست میں موقف اپنایا گیا تھا کہ گزشتہ دور حکومت میں جے ڈبلیو ڈی مل کو 19 کروڑ 91 لاکھ سات ہزار روپے کی ٹیکس ادائیگی کے نوٹس بھیجے گئے

جبکہ ان نوٹسز کے خلاف اپیلیں کمشنر ان لینڈ ریونیو کے پاس زیر سماعت ہیں اور کمشنر ان لینڈ ریوینیو ہمارے حق میں حکم امتناعی جاری کر چکے ہیں اس کے باوجود ٹیکس نوٹسز بھجوائے گئے ہیں۔عدالت سے استدعا کی گئی کہ ایف بی آر کی جانب سے بھیجے گئے ٹیکس ریکوری نوٹسز کالعدم قرار دیے جائیں۔عدالت نے درخواست منظور کرتے ہوئے ایف بی آر کو ٹیکس ریکوری سے روک دیا اور کمشنر ان لینڈ ریوینیو کو 30 روز میں فیصلہ کرنے کی ہدایت بھی کر دی ہے۔