اسلام آباد (مانیٹرنگ ڈیسک) وزیراعظم عمران خان نے وزارتِ عظمیٰ کا منصب سنبھالنے کے بعد کہا تھا کہ وزیراعظم ہاؤس میں موجود پرتعیش اور لگژری گاڑیوں کی نیلامی کر دیں گے تو انہوں نے دو ہفتوں کے اندر ہی اس فیصلے کو سچ کر دکھایا، ایک نجی ٹی وی چینل کی رپورٹ کے مطابق وزیراعظم ہاؤس کی اضافی
اور غیر ضروری قیمتی گاڑیوں کی فوری فروخت کا فیصلہ کرتے ہوئے نیلامی کے پہلے مرحلے میں 32 قیمتی گاڑیاں فروخت کے لیے پیش کر دی گئی ہیں، ان بیش قیمت گاڑیوں کی نیلامی کے لیے اشتہار جاری کر دیا گیا ہے۔ یاد رہے کہ وزیراعظم عمران خان نے اپنے زیر استعمال صرف دو گاڑیاں رکھنے کا فیصلہ کیا تھا۔
