تہران(آن لائن)ایران کے وزیر خارجہ جواد ظریف نے کہا ہے کہ پاک ایران تعلقات مثالی ہیں۔ مذاکرات کے لئے رواں ہفتے اسلام آباد کا دورہ کروں گا ۔ ملکی خبررساں ادارے کے مطابق ایک ٹی وی پروگرام میں گفتگو کرتے ہوئے جواد ظریف نے کہا کہ ہمارے پاکستان کے ساتھ بہترین تعلقات قائم ہیں اور وہ جلد برادر اسلامی ملک کا دورہ کریں گے ۔ انہوں نے کہا کہ دورہ پاکستان کے دونوں ممالک کے درمیان مختلف شعبوں میں باہمی تعاون کو مزید بڑھانے کے طریقوں پر مذاکرات کئے جائیں گے ۔ انہوں نے کہا کہ حالیہ برسوں میں وہ پاکستان کے متعدد دورے کر چکے ہیں اور ہمیشہ دوطرفہ میں مثبت پیشرفت رہی ۔