اسلام آباد(مانیٹرنگ ڈیسک،این این آئی)سوشل میڈیا پر ایک تصویر تیزی کے ساتھ وائرل ہو رہی ہے جس میں دیکھا جا سکتا ہے کہ وزیر اعلیٰ پنجاب عثمان بزدار اپنے اہلخانہ کے ہمراہ سرکاری جہاز میں بیٹھے ہیں لیکن ابھی تک یہ معلوم نہیں ہو سکا کہ یہ تصویر کس مقام کی ہے۔واضح رہے کہ اس سے پہلے عمران خان وزیر اعظم بننے سے پہلے سرکاری ہیلی کاپٹر استعمال کر چکے ہیں جس کا کیس نیب میں زیر سماعت ہے ۔دوسری جانب وز یر اعلی
پنجاب عثمان بزدار نے سید پور ویلیج میں ڈھابے پر چائے پی ۔وزیر اعلی عوام میں گھل مل گئے۔ تفصیلات کے مطابق بنی گالا میں وزیر اعظم عمران خان کی زیر صدارت اجلاس کے بعد سینیٹر فیصل جاوید کی جانب سے چائے کی دعوت پر وزیر اعلی پنجاب عثمان بزدار سید پور ویلیج پہنچے جہاں پر انہوں نے ڈھابے پر چائے پی اور بسکٹ کھائے ۔ اس موقع پر وزیراعلی پنجاب عوام میں گھل مل گئے۔ اسلام آباد کے شہریوں نے ان کے ساتھ سیلفیاں بنوائیں۔
