اسلام آباد(مانیٹرنگ ڈیسک)مسلم لیگ (ن) کے صدر شہباز شریف کی اہل خانہ کے ہمراہ نواز شریف اور مریم نواز سے اڈیالہ جیل میں ملاقات ہوئی۔تفصیلات کے مطابق شہبازشریف اور اہلخانہ کو اڈیالہ جیل میں ملاقات کی خصوصی اجازت دی گئی۔شریف فیملی کو اجازت سے متعلق پہلے آگاہ کیا گیا تھا۔

واضح رہے کہ احتساب عدالت نے 6 جولائی کو ایون فیلڈ ریفرنس میں سابق وزیراعظم نواز شریف، مریم نواز اور کیپٹن ریٹائرڈ صفدر عباسی کو سزا سنائی تھی۔نواز شریف اور مریم نواز 13 جولائی کو وطن واپس آئے تھے جس کے بعد انہیں گرفتار کر کے اڈیالہ جیل منتقل کر دیا گیا تھا۔