اسلام آباد(مانیٹرنگ ڈیسک)آرمی چیف جنرل قمر جاوید باجوہ نے حج کی سعادت حاصل کر لی، سعودی ولی عہد شہزادہ محمد بن سلمان پاکستان سپہ سالار سے ملاقات کیلئے منیٰ پہنچ گئے، علاقائی سلامتی سمیت باہمی دلچسپی کے امور پر گفتگو، سعودی ولی عہد نے آرمی چیف کو حج کی سعادت حاصل کرنے پر مبارکباد بھی دی۔ آئی ایس پی آر کے مطابق آرمی چیف جنرل قمر جاوید باجوہ سے سعودی ولی عہد نے منیٰ میں ملاقات کی اور جنرل قمر جاوید باجوہ کو گزشتہ رات عشائیہ
بھی دیا۔پاک فوج کے شعبہ تعلقات عامہ کے سربراہ کے مطابق سعودی ولی عہد نے جنرل قمر جاوید باجوہ کو حج کی ادائیگی پر مبارکباد پیش کی۔اس موقع پر دونوں شخصیات کے درمیان علاقائی سلامتی اور باہمی دلچسپی کے امور پر بھی تبادلہ خیال کیا گیا۔آئی ایس پی آر کے مطابق سعودی ولی عہد نے پاکستان کی نئی حکومت کے لیے نیک خواہشات کا اظہار کیا اور حمایت کا یقین دلایا۔شہزادہ محمد بن سلمان کا درپیش چیلنجز سے نمٹنے میں پاکستان کی کامیابی کی خواہش کا اظہار بھی کیا۔