اسلام آباد (سی پی پی)وزیراعظم عمران خان وزیراعظم ہاؤس سے متصل کالونی میں ملٹری سیکریٹری ہاؤس منتقل ہوگئے۔ میڈیا رپورٹس کے مطابق وزیراعظم عمران خان اپنی اہلیہ کے ساتھ صرف اتوار کا روز بنی گالا میں گزارا کریں گے۔واضح رہے کہ پاکستان تحریک انصاف کے چیئرمین عمران خان نے پاکستان کے بائیسویں
وزیر اعظم کی حیثیت سے ہفتہ 18اگست کو حلف اٹھایا ہے۔ دوسری جانب وزیر اعظم کی 16وزرا اور 5مشیروں پر مبنی 21 رکنی کابینہ نے بھی پیر کو ایوان صدر میں حلف اٹھالیا جہاں صدر مملکت ممنون حسین نے ان سے حلف لیا۔گزشتہ روز نو منتخب وزیر اعظم عمران خان قوم سے اپنا پہلا خطاب بھی کر چکے ہیں۔
