اسلام آباد (مانیٹرنگ ڈیسک)پی ٹی آئی  کے سندھ اسمبلی کے رکن  عمران علی شاہ کی دہری شہریت نکلی ۔ایک قومی روزنامے کی رپورٹ کے مطابق عمران علی شاہ کی دہری شہریت برطانیہ کی ہے۔ ان کے برطانوی پاسپورٹ کا نمبر 099223381 ہے، جس پر ان کی تاریخ پیدائش 18نومبر 1973ء درج ہے۔ یہ پاسپورٹ 28؍اکتوبر 2010ء کو جاری کیا گیا جس کی مدت دس برس کیلئے ہے جبکہ ایف آئی اے نے جو معلومات الیکشن کمیشن کو فراہم کی ہیں۔

اسکے مطابق انکا شناختی کارڈ نمبر 7-18364827-42101 ہے۔ اُنہوں نے الیکشن سے قبل آخری بار 21؍مئی 2018ء کو دبئی کیلئے ایک نجی ایئرلائن کے ذریعے کراچی سے سفر کیا۔ ان کا پاسپورٹ اور شہریت برطانوی تھی اور اس پاسپورٹ پر انہوں نے 156مرتبہ مختلف ممالک کا سفر کیا۔ واضح رہے کہ عمران علی شاہ نے کراچی میں ایک شہری کو تشدد کا نشانہ بنایا تھا۔پی ٹی آئی کی جانب سے نوٹس لینے کےبعد وہ متاثرہ شہری کے گھر گئے اور اس سے معافی مانگی۔