اسلام آباد(مانیٹرنگ  ڈیسک)میچ اچھا ہو گا، پچ بھی اچھی ہے اور ٹاس بھی ہم نے ہی جیتا ہے، عمران خان کی پارلیمنٹ ہائوس میں صحافیوں سے گفتگو۔ تفصیلات کے مطابق عمران خان قومی اسمبلی کے دوسرے اجلاس میں شرکت کیلئے پہنچ چکے ہیں اور آج کے اجلاس میں سپیکر اور ڈپٹی سپیکر کا انتخاب کیا جائے گا۔ قومی اسمبلی پہنچنے پر ایوان کی

جانب جاتے ہوئے میڈیا نمائندوں نے کپتان کو گھیر کر سوالات کی بوچھاڑ کر دی۔ صحافیوں نے عمران خان سے سوال کیا کہ آج اسمبلی اجلاس میںسپیکر اور ڈپٹی سپیکر انتخاب کیلئے مقابلہ کیسا ہو گا جس پر عمران خان کا کہنا تھا کہ میچ اچھا ہو گا، پیچ بھی اچھی ہے اور ٹاس بھی ہم نے ہی جیتا ہے۔ اس موقع پر عمران خان کے چہرے پر مسکراہٹ بھی آگئی۔