انقرہ(آئی این پی )ترک صدر رجب طیب اردگان نے کہا ہے کہ ترکی امریکہ کی بنی ہوئی الیکٹرونک مصنوعات کا بائیکاٹ کرے گا۔بین الاقوامی میڈیا کے مطابق اپنے خطاب میں ترک صدر نے کہا کہ ترکی امریکا کی جانب سے عائد کی جانے والی پابندیوں کا بھرپور جواب دے گا۔ انہوں نے کہا کہ اگر امریکی کمپنی ایپل کا بنا ہوا آئی فون مارکیٹ میں ہے، تو جنوبی کوریا کا بنا ہوا سام سنگ سمارٹ فون بھی موجود ہے۔ واضح رہے کہ ٹرمپ انتظامیہ کی جانب سے امریکی پادری اینڈریو برنسن کی رہائی سے

متعلق مطالبات مسترد کیے جانے کے بعد امریکا نے ترکی کے خلاف پابندیوں کا اعلان کیا تھا، جب کہ اس تناظر میں ترک کرنسی لیرا کی قدر میں زبردست کمی واقع ہوئی ہے۔دریں اثناء سابق امریکی سفیر روس ولسن نے کہا ہے کہ امریکہ کو ترکی کے خلاف پابندیوں سے نقصان پہنچے گا،ترکی کے خلاف چھیڑی گئی اقتصادی جنگ سے نقصان اٹھائے گا اور اس سے عالمی مالی منڈیاں بھی متاثر ہوں گی،امریکہ کو ترکی کے خلاف پابندیوں سے نقصان پہنچے گا۔ سابق امریکی سفیرمتحدہ امریکہ کے سابق سفیر برائے انقرہ روس ولسن کا کہنا ہے کہ ان کا ملک ترکی کے خلاف چھیڑی گئی اقتصادی جنگ سے نقصان اٹھائے گا اور اس سے عالمی مالی منڈیاں بھی متاثر ہوں گی۔امریکی ٹیلی ویژن سے کو انٹرویو دیتے ہوئے روس ولسن نے واشنگٹن کی جانب سے پابندیوں کے فیصلے پر نکتہ چینی کرتے ہوئے کہا کہ اگر اس ضمن پیچھے قدم نہ ہٹایا گیا تو یہ امریکہ اور دنیا بھر کو متاثر کرے گا۔انہوں نے بتایا کہ ترکی پر پابندیوں کے دو بڑے خطرات پائے جاتے ہیں، پہلا خطرہ دونوں ملکوں کے ایک طویل عرصے سے چلے آنے والے اچھے تعلقات کا متاثر ہونا ہے تو دوسرا خطرہ ترکی میں معاشی کمزوری کے دیگر ملکوں کی مالی منڈیوں پر ممکنہ منفی اثرات پر مبنی ہے۔ترکی کے حوالے سے فیصلوں کے امریکہ کے مفادات کو وسیع پیمانے کا نقصان پہنچانے کا ذکر کرنے والے ولسن نے امریکی انتظامیہ سے اس معاملے میں پیچھے قدم ہٹانے کی اپیل کی ہے۔