اسلام آباد (نیوز ڈیسک) عام انتخابات 2018ء کے بعد قومی اسمبلی کے پہلے اجلاس میں نومنتخب ارکان اسمبلی نے حلف اٹھایا، اس کے علاوہ سپیکر اور ڈپٹی سپیکر کے لیے کاغذات نامزدگی بھی جمع کرائے گئے جو کہ کل تک کرائے جا سکتے ہیں، 15 اگست کو سپیکر اور ڈپٹی سپیکر کا انتخاب کیا جائے گا۔ ایسے میں سینئر صحافی حامد میر نے قومی اسمبلی کی ایک تصویر سماجی رابطے کی ویب سائٹ ٹوئیٹر پر شیئر کی ہے جس میں شاہ محمود قریشی فواد چودھری کو
دیکھ رہے ہیں، اس تصویر میں فواد چوہدری تحریک انصاف کے چیئرمین عمران خان کے ساتھ کھڑے ہیں جبکہ شاہ محمود قریشی کچھ فاصلے پر کھڑے انہیں دیکھنے میں مصروف ہیں۔ معروف صحافی نے تصویر کے ساتھ لکھا کہ نئی قومی اسمبلی کا پہلا دن۔ یہ تصویر بہت کچھ کہہ رہی ہے، شاہ محمود قریشی عمران خان کے ساتھ کھڑے فواد چودھری کو دیکھ رہے ہیں اور اس کا مطلب ہے کہ تحریک انصاف کے سیکرٹری اطلاعات فواد چودھری پنجاب نہیں جا رہے۔
