اسلام آباد( آئی این پی ) قومی اسمبلی کے افتتاحی اجلاس میں مسلم لیگ (ن) کے اقلیتی نشست پر نومنتخب رکن کیسو مل کھیل داس نواز شریف اور مریم نواز کی تصویر بھی ساتھ لے آئے اور تصویر لہراتے ہوئے دیکھو دیکھو کون آیا شیر آیا شیر آیا کے نعرے لگائے۔تفصیلات کے مطابق پندرہویں قومی اسمبلی کے اجلاس کے دوران مسلم لیگی اراکین نے
شہباز شریف کا نام پکارے جانے پر زبر دست نعرہ بازی کی شیر شیر کے نعرے لگائے تاہم اراکین نے مسلم لیگ (ن) کے قائد نواز شریف کے حق میں کوئی نعرہ نہیں لگایا ، مسلم لیگ(ن) کے رکن اسمبلی کیسو مل کھیل داس اجلاس میں نواز شریف اور مریم نواز کی تصویر بھی ساتھ لے آئے اور تصویر لہراتے ہوئے مسلم لیگ (ن) کے حق میں نعرے بازی کر تے رہے ۔
