اسلام آباد(آن لائن) تحریک انصاف کے چیئرمین عمران خان نے کہا ہے کہ ابھی تک وزیر اعلیٰ پنجاب کے نام پر فیصلہ نہیں ہوا ۔ مشاورت جاری ہے تاہم 14 اگست ماضی کی نسبت بھرپور انداز میں منائیں گے ۔ ان خیالات کا اظہار پارلیمنٹ ہاؤس کے باہر صحافیوں سے گفتگو میں کیا۔
انہوں نے کہا کہ قوم اس دفعہ دیکھے گی کہ 14 اگست کس طرح بھرپور انداز میں منایا جائے گا انہوں نے کہا کہ وزیر اعلیٰ پنجاب کے نام پر مشاورت جاری ہے تاہم ابھی تک فیصلہ نہیں ہوا جونہی کسی نام پر اتفاق ہو گا تو میڈیا کے ذریعے قوم کو آگاہ کر دیا جائے گا ۔
