اسلام آباد (مانیٹرنگ ڈیسک) نامزد وزیر اعظم عمران خان کو سرکاری پروٹوکول میں قومی اسمبلی لایا گیا۔نجی ٹی وی کے مطابق عمران خان کو 10 بجے سے پہلے بنی گالہ سے قومی اسمبلی سرکاری پروٹوکول کے ساتھ لایا گیا۔ ان کے قافلے میں 10 سے زائد گاڑیاں شامل تھیں ۔ عمران خان اپنی ذاتی گاڑی

میں سوار تھے جبکہ ان کے قافلے میں موبائل جیمر بھی شامل تھا۔ ان کی آمد کے موقع پر بنی گالہ سے قومی اسمبلی تک سکیورٹی بھی انتہائی سخت رکھی گئی تھی۔واضح رہے کہ اس سے پہلے عمران خان نے یہ اعلان کیا تھا کہ انہیں کوئی پروٹوکول نہیں چاہئے اورعوام کی سہولت کے پیش نظر روٹ نہ لگایا جائے۔