اسلام آباد (مانیٹرنگ ڈیسک) معروف صحافی محمد مالک نے ایک نجی ٹی وی چینل کے پروگرام میں گفتگو کرتے ہوئے کہا کہ شریف خاندان نے این آر او کے لیے ایک معروف بینکر سے رابطہ کر لیاہے، معروف صحافی نے کہا کہ ابھی یہ بینکر بیمار ہیں جب ٹھیک ہوں گے تو بات آگے چلے گی، انہوں نے انکشاف کرتے ہوئے کہا کہ رحم کی اپیلیں اور این آر او کے لیے کوشاں دو شخصیات پیچھے ہٹ گئی ہیں، انہوں نے دوران گفتگو کہا کہ ڈیل کی بات ہو رہی ہے۔ معروف صحافی محمد مالک نے کہا کہ ایک زمانے

میں پائلٹ شجاع راولپنڈی میں بات کرتے تھے ان کے تعلقات بہت اچھے تھے، وہ نواز شریف کی رحم کی اپیلیں کرتے تھے،ان کے بعد چوہدری منیر کا نام سامنے آیا، انہوں نے کہا کہ اب یہ دونوں لوگ پیچھے ہٹ گئے ہیں مگر این آر او ختم نہیں ہوا، معروف صحافی نے کہا کہ اب نواز شریف نے ایک بینکر سے بات کی ہے کہ وہ بات چلائیں لیکن یہ بینکر اس وقت بیمار ہیں، معروف صحافی نے کہا کہ میں ان کا نام بعد میں بتاؤں گا۔ انہوں نے کہا کہ جب بینکر ٹھیک ہو گئے تو شاید ان کے لیے بھی ٹھیک ہو جائے۔