اسلام آباد(آن لائن) پیپلزپارٹی کے رہنما خورشید شاہ نے کہا ہے کہ تحریک انصاف سے پرانا تعلق ہے ہمیشہ کوشش کی کہ سب کو پارلیمنٹ میں آ کر کردار ادا کرنا چاہئے ملکی اور قومی مفا د میں قانون سازی کی حمایت کریں گے ۔توار کے روز تحریک انصاف کے وفد نے پیپلزپارٹی کے رہنما خورشید شاہ سے ملاقات کی جس کے بعد میڈیا سے گفتگو کرتے ہوئے خورشید شاہ نے کہا ہے کہ تحریک انصاف کے وفد خوشگوار ماحول میں ملاقات ہوئی ہے پی ٹی آئی
سے پرانا تعلق ہے ہم سابقہ اسمبلی میں بھی اکھٹے کام کر چکے ہیں انہوں نے کہا کہ ہم چاہتے ہیں کہ سب پارلیمنٹ میں آ کر ملک کی تعمیر و ترقی میں اپنا کردار ادا کریں ہماری کوشش ہو گی کہ تحریک انصاف کی حکومت کو کام کرنے کا موقع دیا جائے اور ملکی و قومی مفاد میں کی جائے والی قانون سازی کی بھر پور حمایت کریں گے۔ خورشید شاہ نے کہا کہ میں اور نوید قمر سینئر ترین پارلیمنٹرین ہیں ہم میں سے کسی کو سپیکر بنایا جانا چاہئے۔
