اسلام آباد(آن لائن) مسلم لیگ (ن ) نے کہا ہے کہ اسد قیصر نے بطور متوقع سپیکر قومی اسمبلی ایاز صادق سے ملاقات کی اور یہ ملاقات پارٹیوں کے درمیان نہیں بلکہ اسد قیصر اور ایاز صادق کے درمیان تھی۔تفصیلات کے مطابق پاکستان تحریک انصاف کے وفد نے سپیکر قومی اسمبلی ایاز صادق سے ملاقات کی ہے ۔وفد میں اسد قیصر،پرویز خٹک، فواد چوہدری شامل تھے۔ملاقات پر وضاحت دیتے ہوئے پاکستان مسلم لیگ(ن) کی ترجمان مریم اورنگزیب نے کہا
کہ اسد قیصر پاکستان تحریک انصاف کے نمائندے اور اسد قیصر بطور متوقع سپیکر قومی اسمبلی کے امیدوارہیں جنہوں نے سپیکر قومی اسمبلی ایاز صادق سے ملاقات کی۔یہ ملاقات دوپارٹیوں کے مابین نہیں بلکہ اسد قیصر اور ایاز صادق کے درمیان تھی۔اسد قیصر نے پارلیمانی امور،سپیکر الیکشن اور وزیراعظم الیکشن کے بارے میں تبادلہ خیال کیا اور معلومات لیں۔پی ٹی آئی وفد نے ایاز صادق کو وزیراعظم کی تقریب حلف برداری میں شرکت کی بھی دعوت دی۔
