کراچی(یواین پی)قومی ایئر لائن پی آئی اے کی پرواز 70 حاجیوں کو چھوڑ کر جدہ چلی گئی ۔قومی فضائی کمپنی پاکستان انٹرنیشنل ایئرلائنز کی نااہلی کا ایک اور واقعہ سامنے آیا ہے اور اس بار پی آئی اے کا جہاز ہی چھوٹا پڑ گیا ہے۔ کراچی کے جناح انٹرنیشنل ایئرپورٹ پر پی آئی اے کی خصوصی حج پروازپی کے 2077 عازمین کو چھوڑ کر سعودی عرب چلی گئی ۔

پیچھے رہ جانے والے تقریبا 70 مسافروں نے جناح حج ٹرمینل پر احتجاج کیا جن میں خواتین اور ضعیف العمر افراد بھی شامل تھے۔ طیارے میں گنجائش نہ ہونے کی وجہ سے پی آئی اے انتظامیہ نے جہاز میں تمام مسافروں کو نہ بٹھایا۔ترجمان پی آئی اے کا کہنا ہے کہ واقعہ تکنیکی وجوہات کی وجہ سے پیش آیا ٗپرواز 2077 کے مسافروں کو دوسری پرواز 731 کے ذریعے روانہ کیا جائے گا۔