لاہور (آئی این پی) معروف سینئر صحافی و کالم نویس ہارون الرشید نے انکشاف کیا ہے کہ تحریک انصاف کے سینئر رہنما نعیم الحق صدر پاکستان بننے کے خواہشمند ہیں۔ ہفتہ کو نجی ٹی وی چینل کے پروگرام میں گفتگو کرتے ہوئے ہارون الرشید نے کہا کہ ان کی اطلاع کے مطابق تحریک انصاف کے رہنما نعیم الحق آئندہ صدر پاکستان بننے کے خواہشمند ہیں اور انہوں نے یہ بات پارٹی چیئرمین عمران خان سے بھی کہی ہے۔ انہوں نے کہا کہ میری جب عمران خان سے ملاقات ہوئی تو ایاز امیر بھی

اس موقع پر موجود تھے تو میں نے عمران خان کو مخاطب کرتے ہوئے کہا کہ تھا کہ نعیم الحق کون سا کام بہتر انداز میں کر سکتے ہیں۔ دریں اثناء ہارون الرشید نے یہ بھی بتایا کہ آج ٹی وی پر یہ خبریں چلتی رہیں کہ پولیس کے سابق سینئر ریٹائر آفیسر اور سابق ٹیکس محتسب شعیب سڈل کی عمران خان ملاقات ہوئی ہے، میری ان سے بات ہوئی ہے ان کی آج عمران خان سے کوئی ملاقات نہیں ہوئی، ہو سکتا ہے کہ مستقبل میں ان کی عمران خان سے ملاقات ہو جائے لیکن آج نہیں ہوئی۔

موضوعات:ہارون الرشید