سرگودھا(این این آئی) الیکشن کمیشن آف پاکستان نے سرگودھا سے قومی اسمبلی کے حلقہ این اے 91 سے مسلم لیگ ن کے ڈاکٹر ذوالفقار بھٹی کی کامیابی کا نوٹیفکیشن جاری کردیا۔ذرائع کے مطابق سرگودھا کے حلقہ این اے 91 سے مسلم لیگ ن کے ڈاکٹر ذوالفقار علی بھٹی نے ایک لاکھ دس ہزار 654 ووٹ اور ان کے مدمقابل پی ٹی آئی کے عامر سلطان چیمہ نے ایک لاکھ دس ہزار567 ووٹ حاصل کئے ۔جس میں مسلم لیگ ن کے ڈاکٹر ذوالفقار علی بھٹی 87 ووٹوں کی برتری سے کامیاب قرار پایا تو عامر سلطان چیمہ

نے ریٹرنگ آفیسر سرگودھا سے دوبارہ گنتی کی درخواست مسترد ہونے پر عدالت عالیہ سے دوبارہ گنتی اور نوٹیفکشن روکنے کے احکامات حاصل کئے جس پر دوبارہ گنتی کا عمل جاری تھا کہ سپریم کورٹ نے ھائی کورٹ کے حکم کو معطل کر لے مسلم لیگ ن کے ڈاکٹر ذوالفقار علی بھٹی کی گنتی روکنے اورکامیابی کا نوٹیفکشن جاری کرنے احکامات جاری کئے جس پرالیکشن کمیشن نے سرگودھا کے حلقہ این اے 91 سے ڈاکٹر ذوالفقار علی بھٹی کی کامیابی کا ٹوٹیفکشن جاری کر دیا۔